Vídeos subidos (lista de reproducción)

PRIMEIRO VENRES DE PORTAS ABERTAS

ISTO FUNCIONA. NON O DESINTEGREDES

Unha delegación que representa a Comisión en defensa da continuidade das ensinanzas de educación secundaria e Bacharelato no IES As Mercedes, desprazouse hoxe martes a Santiago para seguir o pleno onde se solicita a paralización da súa conversión en centro integrado de FP. Esta comisión intentará ter un encontro co Conselleiro, solicitado hai cerca dun mes, para transmitirlle que ningunha mellora e potenciación que se faga da FP é incompatible con ESO e Bac, e con maior razón se se fan as obras de  ampliación que a Consellería ten en proceso de licitación e que o centro vén solicitando desde hai anos.

A comisión conta co respaldo dos grupos municipais e parlamentarios de PSOE, BNG e AGE,  Deputación, sindicatos, asociacións veciñais, claustros doutros centros educativos da provincia, persoeiros do mundo da cultura (Darío Xohán Cabana, Xosé Miranda, Xavier P. Docampo, Paco Martín, Antón Dobao, Agustín Fernández Paz, Iago Santalla, Xosé-Henrique Costas…) e amplo apoio social como demostra a recollida de sinaturas (máis de 5000 nestes momentos).

 Moitas grazas por arremangarvos connosco nesta loita. 

  Axenda:

Luns 22: as 10:30h

Entregáronse no Rexistro da Xunta de Galicia os escritos individuais, personalizados subscritos polo alumn@s, pais e nais da campaña 

"TEMOS NOME TEMOS CARA"

 Martes 23: 

CONCENTRACIÓN DIANTE DO PARLAMENTO 

POLA TARDE

Interesados  anotarse

no correo da ANPA: anpa.asmercedes@gmail.com

Teléfono de contacto 628 865 164

 

Agradecemento

A plataforma cidadá en defensa do IES As Mercedes -formada polas Federacións de Asociacións de Veciños de Lugo, ANPAS e profesores do Centro- queremos empezar por agradecer o apoio recibido durante o encerro de hoxe por parte da Plataforma Galega en Defensa do Ensino Público e anuncia -despois de valorar positivamente a participación na xornada de onte- que, pola súa parte, continuará o encerro na tarde-noite de hoxe para acabar cunha Xornada de portas abertas o Venres 19 no patio do Instituto con música, xogos populares e comida popular.

Por parte da Plataforma en defensa do IES As Mercedes agardamos que esta actividade sexa unha chamada de atención á opinión pública sobre a necesidade de seguir mantendo as ensinanzas de ESO e BAC no Instituto, por tratarse dunha zona de continuado crecemento demográfico que, a curto e/ou medio prazo, se ampliará considerablemente coa construción das máis de 4000 novas vivendas no polígono residencial de Sanfiz, colindante co Instituto. Agardamos tamén que este encerro serva para sensibilizar ao grupo do Goberno e á Consellería de Educación sobre a necesidade de revisar unha decisión que, á vista das explicacións que coñecemos a través dos medios de comunicación, carece de todo tipo de motivación e de todo tipo de informes e estudos previos sobre as necesidades de escolarización: a suspensión do concurso de traslados do profesorado en Lugo cidade e as sucesivas modificacións na adscripción do alumnado é boa demostración da falta de calquera estudo e informe ao respecto.

Para rematar, e co convencemento de que a Consellería ten outras alternativas de ampliación e potenciación da oferta educativa de FP perfectamente compatible co mantemento da ESO e BAC, reiteramos o compromiso que na tarde de onte, no nome da Plataforma, expresaba o portavoz da Federación de Asociacións de Veciños de Lugo de non desistir ata lograr a revisión deste acordo por parte da Consellería de Educación.

asmercedesloita.blogspot.com

anpaasmercedes.blogspot.com

iesasmercedesdesintegrado@gmail.com

@asmercedesloita

 NOVA RECOLLIDA DE FIRMAS

Sábado 13:

•  De 12 a 14 h. recollida de sinaturas na Praza Maior

•  Ás 17:00 h. no Anxo Carro e Carrefour  
  
  
  
   

Apoio da Federación Veciñal de Lugo

O portavoz da Federación vecinal de Lugo, Fernando Rois, visitou o día 9 as instalacións do Instituto de As Mercedes de Lugo onde, tras dun recorrido polas instalacións do Centro e de coñecer o traballo e as inversións realizadas en pro da mellora da calidade do ensino e da confortabilidade das propias instalacións, reafirmou non só o apoio da Federación veciñal á reivindicación da Comisión Educativa senón tamén o compromiso de Federación veciñal Lugo e da Confederación Galega de Asociacións Veciñais a integrarse na Comisión Educativa do IES As Mercedes para constituír, de aquí en diante, unha Plataforma cidadá que non desista do empeño, con todas as medidas de presión que fagan falla, de convencer á Dirección Xeral de Formación Profesional e á Consellería de Educación da necesidade de manter no IES As Mercedes a oferta educativa pública da ESO e BAC.  Neste sentido adiantou o compromiso da Federación para, a resultas das razóns que mañá poda traer a comisión da reunión coa Dirección Xeral de Formación Profesional, encabezar xunto coas demais entidades veciñais e cidadás unha ampla mobilización en defensa duns servizos educativos absolutamente imprescendibles para a Zona Sur de Lugo, tanto en razón do seu actual nivel demográfico como en previsión dun futuro inmediato a curto prazo con todas a vivendas previstas no polígono de Sanfiz.

Foto: Corral, La Voz de Galicia