O Valedor do pobo admite a trámite a reclamación  do IES AS MERCEDES de Lugo Con fecha de 7 de mayo, el Valedor de Pobo admitió a trámite la reclamación de la Plataforma  en defensa do IES AS MERCEDES contra la Consellería de Educación por la eliminación de la enseñanza secundaria y Bachillerato en este centro educativo, al convertirlo en centro integrado de formación profesional, y dejar sin instituto público una zona de crecimiento demográfico en Lugo, además de masificar los demás institutos.

No Correlingua

No Correlingua

Concerto da Escola Municipal de Música no Ies As Mercedes

“Nós, coa música, sempre intentamos construír, non desintegrar. Por iso queremos estar hoxe con vós nesta situación que estades a pasar”.

 Así empezaba a Unidade Didáctica Os instrumentos musicais na banda de música, da BANDA MUNICIPAL DE MÚSICA do Concello no IES AS MERCEDES, sumándose DESTA MANEIRA á reivindicación de que non se eliminen as ensinanzas de ESO e bacharelato no único centro público que as oferta na zona sur de Lugo.

Dende a Plataforma cidadá en defensa do IES As Mercedes queremos agradecer esta mostra de solidariedade por canto ten de estímulo inestimable a seguir traballando por convencer ás institucións e responsables políticos de que a ampliación e mellora da Formación Profesional que se utiliza como escusa para a supresión do IES As Mercedes para nada pode resultar incompatible coa continuidade da ESO e BAC no Centro, pois, está ubicado nunha zona de Lugo cun continuado crecemento demográfico e da poboación escolar con previsións, ademais, de seguir medrando.

Neste traballo de tratar de convencer aos responsables políticos e institucións recordamos que o pasado martes, con motivo do Pleno na Deputación Provincial, invitabamos a todos os deputados/as do PP a visitar o Instituto e temos comprometida a visita ao centro da deputada provincial do PP, Dna Elena Candia, para mañán Venres, día 3. E recordamos que temos solicitada unha entrevista co Presidente Provincial do PP, José Manuel Barreiro, e outra  co Sr. Conselleiro de Educación.  

Para nós, como veciños e veciñas de Lugo, a supresión dun Instituto de Ensino Medio é algo moi serio: debe prevalecer, pois, o sentido común e o interese cidadán moi por riba dos caprichos dun Director de Formación Profesional.  

 

O IES AS MERCEDES FUNCIONA

NON O DESINTEGREDES

A Plataforma en defensa do IES As Mercedes  segue loitando por paralizar a súa transformación  en centro integrado de FP, que supón a eliminación do ensino secundario e o Bac no único instituto do sur de Lugo.

Membros en representación desta Plataforma asistiron hoxe ao pleno da Deputación Provincial, ao debate da moción presentada polos grupos de goberno (PSOE e BNG), na que se solicitaba a continuidade da ESO e Bac no IES As Mercedes. Esta Plataforma, ao tempo que agradece aos grupos de goberno o seu apoio aprobando a moción, tamén lamenta que o Grupo Popular na Deputación, cuxa voceira admitiu que “puido haber incorrección nas formas da toma de decisión” ou que a “decisión puidera ser acertada ou non” valore máis a disciplina de partido que os intereses da cidade de Lugo. Confiamos de todas formas que despois de visitar o Centro, ao que se compremeteu a voceira Elena Candia, poidan os membros do Grupo Popular na Deputación percibir doutra forma esta reivindicación que é antes de nada unha reivindicación de cidade: a decisión de pechar un Instituto de ESO e BAC, debera de ter uns argumentos máis convincentes que os de considerar incompatíbeis a ampliación, mellora e potenciación da FP e o ensino secundario.

A saída do Pleno da Diputación Provincial unha representación desta Plataforma entregou no rexistro do Concello a petición de que se inclúa na orde do día do próximo pleno unha moción relativa á necesidade de que se faga un estudo serio das necesidades educativas da zona Sur e de toda a cidade de Lugo, así como das diferentes alternativas coas que responder a tales necesidades, antes de proceder, dunha forma tan pouco reflexiva, á supresión dun IES ubicado nunha zona de continuado crecemento demográfico.

Manifestacións 1 de Maio

 

Continuando co traballo de visualizar esta reivindicación, a Plataforma cidadá en defensa do IES As Mercedes participou nas manifestacións do 1º de Maio.